السلام عليكم
أقدم لكم مجموعة ألغاز مع حلها بس أبي ردودكم تنور شاسة الجهاز
.....
....
...
..
.
أنشدك عن عذراء تجيب عيال = وعيالها من كدهـم يشرونهـا
ماادري حلالٍ كسبها وإلا حرام = أزريت أميز لونها من لونها،،
الفيزه اللي يستقبل فيها الخدم
اسألك عن بنتاًً ملحفة بالعباية = عباتها من جنسهابضع لفات
اذا كشفت لبوسها لنهاية = تذرف على خدك من الدمع عبرات
البصل
اسألك عن بنتاًً فوق سن الثمانين = يشوفها العاشق بغاية صباها
خواتها عند البشر بالملايين = ولو عمرها ستين محداًً خذاها
وقت الزفاف ترافق البنت بنتين = قدامها وحده ووحده وراها
السيارة
انشدك عن جايد ومجناه من ني *** حلاح يجنى من حرام يشيله
لولاه ما خلق الخلايق ولا شي *** ضافي على كل الخلايق جميله
الام وحليبا لولدها حلال .. وهي حرام عليه ..ولولا الله ثم هي ماشفنا الحياه وجميلها مانوفيه
انشدك عن عشر خوات مابه مثلهن بالبنات
فيهن عروس بالجمال تسوى الوف مولفات
العشر الاواخر من رمضان
أخبرني ويش رجل حمل حمله بنات *** شالهن فوق ظهره لين جا وقت اللزوم
مابهن ضامر بطن كلهن ملقحات *** من رمت ورعانها فالرجل عنها يشوم
حزام الفشق
انشد ك عن ثنتين من فوق ثنتين = وثنتين في ثنتين متماسكات
ثنتين يسون الذهب والملايين = وثنتين ما يسون قيمة عباة
العين والنظاره
نشدك عن رجلا يتعب لغيره **** ياكل ولاهب من اكله مستفيد
يخدمـك والله اعلــم بتدبيره **** يمشي بأمــرك وعلى مـاتريد
المقص
أنشدك عن عذرا لها الناس خلان = اهل الصخى لولاه ويش يعملوني
لاشافها المشتاق لو كان عمسان = راح العمس من حاجرات الجفوني
غدا لها تاريخ في كل ديوان = وضحتها من شــــان ماتبلشوني
القهوه
يا ويش عود ٍتَحَسْب حْسابْه الناس = الـبـدو والـلــي يسـكـنـون الـقـرايـا
إلـى حضـر تَريَّحـوا عقـب الاتعـاس = وابْعـد عـن الـفـلاّح راعــي الرعـايـا
نجم سهيل
أنشدك عن بنتين ما بينهن فرق ******* قِدْم أمّهن وحده ، ووحده وراها
لاغرّبت وحده تصير اختها شرق ******* ووجيهن ما يخـتلف محـــتواها
لوحه السياره
انشدك عن رجل مع الوقت سمّار **** إن حـــل في دارٍ مْـــريفه دمَــرْها
سميّه اللي ترغبه كل الاقــــــطار **** والاســـم واحــد، والمطـيّه عثرْها
بالعين ما شفناه، نســمع بالاخبار **** ونَقصه مثل زوده تساوى خطرْْْْْها
مرض السكر
ياويش بنت بالعرب حصلهـا دور = تـنـسـب لـــدار كـلـكـم عـارفـيـنـه
مشهورة ياما عثـرت كـل ممـرور = تـفــزع بـشــي كـلـكــم مالـكـيـنـه
لهـا اخـو ينهـض مـع فجـة النـور = يـرعـى مغاتـيـر عـلـى حــد ليـنـه
ياما نطح من دونهن كل مسطـور = واخوها من الي يحتمون الضعينه
زرقاء اليمامه
انشدك عن بنتاً الى خشت الساس = لـــو مايـبـيـن فعـلـهـا ماتـشـافـي
كم فرقت جيران من جملة النـاس = منزالها عن بعض الأنظـار خافـي
سوسه الاسنان
انشدك عن بنتاً عريباً نسبهـا.... بنت الرجال اهل الذكاء والسياسه
بنتاً كريمه ومكرمينن عربها.... ولا تلتفت لأهل الغباء والتعاســــه
بنتاً لها ميقاف ساعة ندبهــا.... ماياقفه ميقــــافها راع الفراســـــه
من رافقت تحميه لامن طلبها.... وشجاعته تفزع رجال الحماســــه
الحصانه الدبلماسيه
انشدك عن رجل يلقح بالغلام = بـس حملـه مايعديـه الحـدود
وإن حمل بثنين نجم ثم حـام = مـا تـرده لا بحـور ولا نـفـود
التلفون والاصفار
ياهـل الفـكـر تريـضـوا واسمعـونـي = لـــي قـصــةٍ يـانــاس مـحــدٍ رآهـــا
شفت لي عذراء مشيها على الهوني = تمـشـي وابـوهـا دايـمـاً فــي قـفـاهـا
العجب فيها مالها راس ولا سنونـي = والمشـي يالربـع هـو غـايـة امنـاهـا
عربانه العمال
بنشدك عن عذراء تضيق خاطر السالي = ولابه من يواطنها ولابه مـن يدانيهـا
لها جند يخدمونه تحت شمس وضلالي = ولالها وقت محدد مـن أيـام ولياليهـا
المخالفه المروريه
انشدك عن صياد يبي الصيـد والمنفعـة = ان صاد صاد اثنين وان اخطأ صاد اربعه
صلات الجمعه
أنشدك عن رجلٍ رفيع وقـاره = رجـلٍ بدونـه مـا تقلـط رْبوعـه
طيّب، وطيبه بس خارج دياره = والا بْـداره مــا تبـيـن نفـوعـه
جواز السفر
يـا ويـش بـنـت دايـمٍ ترفـــع الراس *** كلٍّ لها من النــاس راســه يوطــيه
ترفع جميع الروس من خلقة الناس *** ومن تــرفــعه ربــّـه يميته ويحييه
الوساده
أنشدك عن شايبٍ عاري
شجاع والموت يدنيــبه
يموت لاناشه الـطلي
ويعيش في ضل وكنانـي
الجبريت
أنشدك عن رجل مع الناس محقور = زآده حـــرام ولايـــذوق الـشـويــه
الباعوض
ويش بنت في المره مثل ماهي في الرجال
عايشه وسـط البشـر مـن كبيـر ومـن صغيـر
صانعْهـا الرحمـن ، سبـحـان خــلاق الجـبـال
مـن طبايعهـا الكـرم ، والبخـل شــي يسـيـر
فصيله الدم
ويش رجل جاب رجل مـن مقـره = والرجل دونه موت واضح ومعروف
وبه هوايـل والهوايـل بالمضـره = والضرر ينزاح من صفق السيـوف
ولاجيب مـن منبعـه غيـر مـره = جابـه العربيـد مـن دون خـوف
الكورة
شفته عجيبه من كبار العجيبات = وعجلٍ تجي بالحال للي طلبها
فيها حنان بالليال الصعيبـات = وفيها عذابٍ مر مكبر خطرها
النار
انشدك عن شخصٍ مؤمن و ما ثوق = ولا يبـوح السـر مهمـا تـروده
لازم تسد الخرق والسن مطبـوق = ان كان تبغي منه يا خـوي فـوده
وان كان ما تملك لهل خرق دخاروق = تفشل ومهما كـان جهـدك يلـده
ايضا ولا ينفع لهل خرق خـازوق = الا بفيـده تدخلـه ثــم تـشـده
القفل
الثلاثاء نوفمبر 17, 2009 2:47 am