بسم الله الرحمن الرحيم
نامـت عيـون المريـح ولا لقـا السهـران راحــه
والليـالـي المـؤرقـة بالـحـزن لبـسـتـه سـهـرهـا
بات في صدر الشقا والصبـر وعزومـه كفاحـه
عـارف الأيـام مـا يسلـم بــن آدم مــن خطـرهـا
وجر صوته من صميم القلب وأعلنهـا صراحـه
لا بـكـا لام العـيـون ولاهـــدى قـــام وشـكـرهـا
آه ياشيـن الحشيـم الـيـا سـقـط وأعـلـن مطـاحـه
لو عذر بعـض الوجيـه وجيـه نـاسٍ مـا عذرهـا
والهنوف اللي لها في الصـدر مرقـاب وبراحـه
كل عرقٍ من عروقي صار هو مجرى مطرهـا
وعلمتنـي كيـف صـارت ضيقـة المسلـم مباحـه
لا تسـاوت ضيقتـي ورضـاي دئـم فـي نظـرهـا
وعلمتنـي كيـف يقسـا الحـب لا جــرد سـلاحـه
وعلمتني كيف أبشـرب ملحهـا وأشـرب كدرهـا
هي غدت لي في بحور العشق مجداف وسباحه
وهي قصيدة حب عذري بـس ويـن القـا بحرهـا
بعدهـا مـن راح مافـكـرت وش قـصـة مـراحـه
كـل مــا غـابـت أعــد أيــام عـمـري وأنتظـرهـا
فـي ليـال البعـد أقـول إنـه عـزا قلبـي جـراحـه
كـل مـا شـط النـوى وأبطـت عليـه فـي سفرهـا
جادل تشرب قراح الحسـن مـدري هـي قراحـه
كـل مــا لــدت عـلـي بعينـهـا قـلـت اختصـرهـا
كنـهـا لـيـلٍ فـهـق فـجـره وبـيـن لــي صـبـاحـه
وكنـهـا قـمـرا بـعـد نــام الشـفـق بـيــن قـمـرهـا
أن تغشّاهـا الهـوى مالـت مثـل غـصـن بـواحـه
وإن تعداهـا الهـوى طالـت وزمـت لـه نحـرهـا
إن صفـا لـي بالهـا مـا ضـاق بـال ولا مسّـاحـه
وإن حدتنـي للجفـا والضيـق عـودت لصـورهـا
يـا بعـد كـل القصيـد ويــا بـعـد كــل الفصـاحـه
ويـا بعـد كـل الغـلا والحـب يالـسـود وحـورهـا
كان شعري ما وصفهـا باتركـه وأكسـر جناحـه
واقطعـه قلـبـي إذا فــي يــوم ســج ولا ذكـرهـا
والقصيد إن ما حداك لضيق ما جاب لك راحـه
واللـيـال المـؤرقـه بالـحـزن طاولـنـي سهـرهـا
ســـــلـــــمــــتـــــكـــــم
الأربعاء ديسمبر 02, 2009 5:10 pm