الشهره الي من وراها الناس منجرفه

الشهـره اللـي وراهــا الـنـاس منجـرفـه
ماهـوب اكبـر طموحـي مصافـح ايديـهـا
مـانـيـب جـاهــل بـهــا انكـانـهـا حـرفــه
اعـــرف مداخيـلـهـاواعـرف خـوافـيـهـا
اعـرفــك يـادربـهـا واقــــول مـاعـرفــه
وان مـر طــاري لـهـا صـديـت طاريـهـا
الشـعـر لــولا عـيـون الـجــادل الـتـرفـه
والله لانـسـى القـصـايـد مـــع قوافـيـهـا
ضيقـات صـدري كثـيـره مالـهـا صـرفـه
مـن كثـرهـا ماعـرفـت شـلـون ابحكيـهـا
اشـيـاء منـهـا تـبـات الـنـفـس منـقـرفـه
يـاكـثـر ماحـطـمـت نـفـســي وامـانـيـهـا
القـدس راحــت إناظـرهـا مــن الشـرفـه
وابـن اليهـودي يــدوّج فــي ضواحيـهـا
وحنـا العـرب ساكتيـن اسـكـات معتـرفـه
نشوف بالعيـن ارض القـدس وش فيهـا
والدمعـه الـلـي مــن المسكـيـن منـذرفـه
مـاحـركــت شــــي بـالـظـالـم معـانـيـهـا
الجوع .. والبرد .. ومسكن يشبه الغرفه
تقـتـل احــلام الفـقـاره .. قـبـل تحيـيـهـا
والناس صـارت بجـرح النـاس محترفـه
يــارب سـتـرك مــن الـدنـيـا وبـلاويـهـا
والحـب تطعـن بصدقـه .. بنـت منحرفـه
مـن كـثـر ماكـذبـت .. تنـسـى اساميـهـا
وبعـض السوالـف تغـثـك مابـهـا طـرفـه
تـدبــل كـبــودٍ تــــدور مــــن يسـلـيـهـا
مـثـل البـشـر بعضـهـم مــاودك تـعـرفـه
زودٍ عـلـى ضيـقـتـك وجـهــه يطّـريـهـا

الله لايهينك

صح لسانك

ولاهنت على القصيده الجزله


وتقبل مروري